Կարդում ենք Միշել Ֆուկո

Հարգելի բարեկամներ,

Հարգելի բարեկամներ, ուրախ ենք հայտնելու, որ Ժամանակակից արվեստի ինստիտուտի գրադարանը տալիս է հանրային ծրագրերի մեկնարկը: Սկզբի համար հնարավորություն ենք ստեղծել և հետաքրքրվողներին հրավիրում ենք անդամագրվելու Գալուստ Կիւլպէնկեան Հիմնարկութիւն թարգմանական մատենաշարի շրջանակներում հայերեն թարգմանված և մեկ տարի առաջ լույս տեսած «Գիտելիքի հնագիտությունը» գրքի ընթերցման խմբակին։ Ինչու է ստեղծվում ընթերցման խմբակ և ինչ կարող է տալ խմբային ընթերցումը; Լինելով ֆրանսիացի փիլիսոփա Միշել Ֆուկոյի թերևս առավել բարդ աշխատությունը՝ «Գիտելիքի հնագիտությունը» ընթերցման ընթացքում առաջ է բերում երկու տիպի դժվարություն։ Առաջինը նյութի ինքնին խրթին լինելն է:

Դիցուք Ֆուկոն ասում է, թե իր ուսումնասիրության նյութը մարդկային (հումանիտար) գիտելիքի և գիտությունների կազմավորման ընթացքում մեկ փուլից մյուսը, տեղի ունեցող փոփոխությունն է: Շարքային ընթերցողի համար դժվար է ըմբռնել, թե ինչպես է հնարավոր այդ փոփոխությունը դարձնել տեսաբանական ուսումնասիրության նյութ: Տեքստի լեզվական և ոճային առանձնահատկությունները ևս խնդրահարույց են ։ Եվ աշխատությունը գրեթե անընթեռնելի այն պատճառով, որ այս երկու բարդությունները գրքում ներկայանում են իմաստաբանական ու շարահյուսական առումներով միահյուսված

Խմբային ընթերցումը վարում է գրքի թարգմանիչ Նազարեթ Կարոյանը:

Ընթերցման ընթացքում նա կօգնի ոչ միայն հաղթահարելու աշխատության հերթական գլուխը, այլև խմբի անդամների հետ կկիսվի անձնական փորձառությամբ, որ նա կուտակել է գիրքը թարգմանելիս, այդ փորձառությունը մերթ մերթ հագեցնելով ընթերցման տեսական գիտելիքներով, թե ինչու չի կարելի ընթերցելիս շտապել, կամ դժվար թնթերցվող որևէ գրքի որ մասերով է հնարավոր արագ անցնել, ինչի հատվածների վրա է, որ պետք դանդաղել կամ երբեմն դադար տալ;

Քանի որ աշխատությունը առաջաբանի ու եզրակացության հետ մեկտեղ բաղկացած է ութ մասից, հանդիպումների քանակը ևս կլինի նույնքան:

Դրանցից յուրաքանչյուրի ընթացքում խմբավարը կքննարկի ու կպարզաբանի ինչպես րնթերցված հատվածի անհասկանալի պահերը, այնպես էլ կտա հաջորդի գլխի ընթերցման համար որոշակի ուղեցույց:

Ընթերցողական խմբակի տեղերը սահմանափակ են, դրանց լրանալուն պես անդամագրությունը կդադարեցվի անկախ դիմումի համար նախատեսված վերջնաժամկետից: Անդամավճարը կազմում է 24,000 դրամ:

Գրանցման վերջնաժամկետն է նոյեմբերի 12–ը։

Դիմել այստեղ։

Ընթերցման օրերի նախնական ժամանակացույցը.

Նոյեմբերի 14, 19:00 – 21:00

– Առաջաբան (Ռ. Փանոսեան),

– Թարգմանչի կողմից (Ն. Կարոյան)

– Ներածություն

Նոյեմբերի 28, 19:00 – 21:00

– Ճառաբանության միավորները,

– Ճառաբանական կազմավորումները

– Առարկաների ձևավորումը

Դեկտեմբեր 12, 19:00 – 21:00

– Ասութենական կերպավորությունների ձևավորումը

– Հղացքների ձևավորումը

– Ռազմավարությունների ձևավորումը

Դեկտեմբեր 26, 19:00 – 21:00

– Դիտողություններ և հետևանքներ

– Սահմանել ասույթը

Հունվար 9, 19:00 – 21:00

– Ասույթների նկարագրությունը

– Սակավադեպություն, արտաքնություն, կուտակում

– Պատմական ապրիորին և արխիվը

Հունվար 23, 19:00 – 21:00

– Հնագիտություն և գաղփարների պատմություն

– Բնօրինակը և օրինաչափը

– Հակասությունները

Փետրվար 6, 19:00 – 21:00

– Համեմատական իրողությունները

– Փոփոխությունը և փոխակերպումները

– Գիտություն և գիտելիք

Փետրվար 20, 19:00 – 21:00

– Եզրակացություն