Երևանի Ժամանակակից արվեստի ինստիտուտը հրավիրում է ներկա գտնվել մոսկվաբնակ արվեստագետ և կուրատոր Վիկտորիա Լոմասկոյի սեմինարներին, որոնցում նա մանրամասնորեն կանդրադառնա իր պրակտիկային` ստեղծագործության մեջ կենտրոնական տեղ զբաղեցնող խնդիրների հետ փոհարաբերության համատեքստում:
Առաջին` «Կապերի հաստատում սոցիալական արվեստի և իրավապաշտպան նախաձեռնությունների միջև. իմ փորձը» սեմինարի շրջանակներում Լոմասկոն կպատմի իր նախագծերի մասին, որոնք իրագործվել են մի շարք իրավապաշտպան կազմակերպությունների/նախաձեռնությունների աջակցությամբ, մասնակիորեն նաև` նախաձեռնությամբ: Դրանց թվում են «Քաղաքացիական աջակցություն» կոմիտեն, Քրեական արդարադատության բարեփոխման աջակցության կենտրոնը, ՕՔՍՖԱՄը, «Կողք կողքի» ԼԳԲՏ փառատոնը և Բիշկեկի SQ ֆեմինիստական խումբը:
Իրավապաշտպանների հետ համագործակցության արդյունքում ստեղծվել են սոցիալական գրաֆիկ ռեպորտաժներ, ինքնահրատի թողարկումներ, գրաֆիտի, ինչպես նաև` «Նկարչության դաս» նախագիծը` նկարչության դասեր անչափահասների գաղութներում, որոնք Լոմասկոն անցկացրել է 4 տարի շարունակ` իր իսկ մշակած մեթոդական ծրագրով:
Բանախոսության շրջանակներում ենթադրվում է քննարկել հետևյալ խնդիրները`
– Ինչով է սոցիալական արվեստագետը տարբերվում ակտիվիստից: Որտեղ է ավարտվում արվեստը և սկսվում իրավապաշտպան գործունեությունը:
– Սոցիալական արվեստագետների և նախագծի շրջանակներում ուսումնասիրվող/ներառված սոցիալական խմբերի փոխհարաբերությունները:
– Իրավապաշտպանների/ակտիվիստների և արվեստագետների համագործակցությունը ինչու է կարևոր:
Նման համագործակցության դրական և բացասական կողմերը: Հաջողված և անհաջող համագործակցային նախագծերի վերլուծություն:
Հասցե՝ Հայաստան, Երևան, Ավետ Ավետիսյան 47
Հեռախոս՝ +374 55 210270
Էլ․ հասցե՝ info@ica.am
Բաժանորդագրվեք մեր նորություններին և ստացեք վերջին թարմացումները, տեղեկատվությունն ու բացառիկ առաջարկները ուղիղ ձեր էլ. փոստին։
