Արվեստի կուրատորների 7-րդ միջազգային ամառային սեմինարներ Կատարել և համադրել. կազմավորման պրակտիկաների միջև

Կուրատորական գործունեությունը，որը ծագել է տեսողական արվեստի միջավայրում， ժամանակակից իմաստով հասկացվում է իբրև արվեստի գործերի ցուցադրությունը կազմակերպող փորձառություն։ Իր բնագավառում՝ կրթությունից ու հետազոտությունից մինչև արխիվային ու գրադարանային գործի կազմակերպումը խորանալուց բացի վերջերս այն ցուցաբերում է նաև արվեստի այլ ոլորտներում տարածվելու միտումներ ։ Սկսած երկուհազարականներից արդեն խոսում են բանաստեղծության, երաժշտության և առավել լայն իմաստով կատարողական արվեստների կուրատորության մասին։  

Արվեստի և հասարակության միջև կառավարչական միջնորդության տարածման ակունքները，սակայն，պետք չէ միայն ստեղծագործական արդյունաբերությունը տեղեկատվական տեխնոլոգիաների զարգացման հետ սինխրոնացման մեջ փնտրել ։ Ստեղծագործական փորձի այլ ոլորտների ընդգրկումով կուրատորական գործունեության նման ընդլայնումը թերևս， նաև， պայմանավորված է դրանում առկա կատարողական աշխատանքի տարրով， ինչն անխուսափելիորեն կառուցում և վեր արտադրում է սոցիալական ու մշակութային որոշակի կոնստրուկներ։ Ի վերջո կուրատորությունը կազմավորող փորձառություն է， որը մասնակցում է արվեստային ու դիտողական սուբյեկտների կառուցմանը։  

Կուրատորը երբեք լիովին չի նույնանում ոչ ստեղծագործողի եւ ոչ էլ հանդիսատեսի հետ։ 

Նա， ասես， առանձին，շարժուն դիրք է զբաղեցնում արվեստագետի և նրա լսարանի միջև՝ մինչ կկատարի միջնորդության，թարգմանության և վերընծայման իր առաջադրանքները գործիքների և մեթոդների միջոցով，որոնք，ներհայտորեն կամ բացահայտորեն，գործադրում է վերա-կազմավորելու համար սուբյեկտիվություններ ։ 

Արվեստի կուրատորների երևանյան ամառային սեմինարների 7-րդ թողարկումը կուրատորական փորձառությունների օրինակով միտված է բացահայտելու կատարողականության երկակի հասկացությունը՝ կուրատորությունը իբրեւ ընդլայնված փորձառություն, որն առնչվում է ցանկությունների, ինքնությունների, սուբյեկտիվությունների հետ, ինչպես նաեւ դրա առանձին գործադրումը՝ պերֆորմանսի արվեստի կուրատորություն， միայն վերջերս ասպարեզ իջած մի փորձառություն, որն ինստիտուցիոնալացվեց բազմաբնագավառային արվեստի ոլորտում։ Մեր ցանկությունն է հետազոտել կատարողականության այդ երկու հարթությունների հատումները եւ դրանց հնարավոր ազատագրական ներիմաստները։ Ամառային սեմինարները հրավիրում են արվեստի տեսաբաններին，արվեստի տարբեր ոլորտների գործող կուրատորներին և արվեստագետներին քննարկելու տարբեր կատարողական փորձառությունները՝ արվեստի հաստատության սահմաններից ներս եւ դուրս։ Ծրագիրը կներառի դասախոսություններ՝ քննարկումների եւ կատարողական միջոցառումների հետ մեկտեղ։